Year: 2025

शेयर बजार लगातार चौथो दिन पनि घटेको छ । यो हप्ताको आइतवार उच्च अङ्कले बढेको शेयर बजार परिसूचक नेप्से त्यसयता घटिरहेको छ । आज नेप्से २ दशमलव ७० अङ्कले घटेर २ हजार ८ सय १८ दशमलव ४३ विन्दुमा झरेको छ । आज फाइनान्स, होटल, जलविद्युत्, लगानी, बीमा, म्युचल फन्ड, अन्य र व्यापार बाहेक सबै समूहको शेयर बढेको छ । आज नबिल डिबेन्चर २०८२ को शेयर १० प्रतिशतले घटेको छ । समग्रमा बजार घटेको दिन गार्डियन माइक्रो लाइफ इन्सुरेन्स, भूगोल इनर्जी डेभलपमेन्ट कम्पनीको शेयर भने १० प्रतिशतले बढेको छ । आज…

राष्ट्रिय आविष्कार केन्द्रका अध्यक्ष डाक्टर महावीर पुनले धरानमा किताब बेचेर एक करोड १०  लाख ४२ हजार २५० रुपैयाँ संकलन गर्नुभएको छ । उहाँले धरानमा १५ दिनसम्म विभिन्न चोक र कार्यालयहरूमा पुगेर किताब बेच्नुभएको थियो।  धेरै दिन उहाँले  धरानको भानुचोकमा बसेर दैनिक किताब बेची नगद संकलन गर्नुभएको हो ।   बन्द रहेको वीरगञ्ज कृषि औजार कारखाना सञ्चालनमा ल्याउन किताब बेचिरहनु भएका पुनले धरानमा १४ हजार ७ सय २३ थान किताब बिक्री भएको बताउनु भएको छ । सरकारसँग वीरगञ्ज कृषि औजार मर्मत गर्ने सम्झौता गर्नुभएका पुनले किताब बेचेर रकम संकलन गरी उक्त…

धादिङ बिना कागजात अवैधानिक रुपमा अमेरिकामा बसिरहेका १० जना नेपालीलाई अमेरिकाले काठमाडौं ल्याएर छोडिदिएको छ । अमेरिकाको न्यु ह्याम्पसर राज्यको पोर्टसमाउथ अन्तर्राष्ट्रिय विमानस्थलबाट नेपालीहरुलाइ लिएर उडेको बिमान काठमाडौंमा बुधबार बिहान १० बजे अवतरण गरेको थियो । ट्रम्पको आदेश अनुसार देश निकाला हुने नेपालीको संख्या ३७ पुगेको छ । अमेरिकी सरकारले नेपालीलाई नेपालमै ल्याएर छोडिदिएको यो नै पहिलो घटना हो । विमानले विहिबार नेपालमा रहेका अमेरिकी नागरिक लिएर ३ बजे अल्बानिया हुँदै अमेरिका फर्कने छ ।