Author: गणेश संवाददाता

नेपालगञ्जमा भ्यानको ठक्करबाट मंगलबार एक जना बालकको मृत्यु भएको छ। सो घटनामा तीन जना घाइते भएका छन्।  नेपालगञ्ज उपमहानगरपालिका–१२ बेलासपुरमा सडकमा गुडिरहेको भे १ च ३८९५ नम्बरको डेलिभरी भ्यान अनियन्त्रित भएर सञ्जय सिलवालको घरको आँगनभित्र छिर्दा छ वर्षीय बालक दृश्यसिंह बुढाथोकीको मृत्यु भएको जिल्ला प्रहरी कार्यालय बाँकेका प्रहरी निरीक्षक हिम विकले जानकारी दिए।  दुर्घटनामा स्थानीय ४३ वर्षीय सिलवाल, छ वर्षीया सृष्टि गौतम र आठ वर्षीय सञ्जीव सिलवाल घाइते भएका छन्। उनीहरू घरबाहिर आँगनमा बसिरहेका थिए। तीनै जनाको नेपालगञ्ज मेडिकल कलेज शिक्षण अस्पताल नेपालगञ्जमा उपचार भइरहेको जिल्ला प्रहरी कार्यालय, बाँकेले जनाएको…

पृथ्वी राजमार्ग अन्तर्गत धादिङको थाक्रे गाउँपालिका-२ हुलाक डाँडामा खाद्यान्न बोकेको ट्रक दुर्घटना हुँदा एक जना घाइते भएका छन् । खाद्यान्न बोकेर विरगंजबाट काठमाण्डौ तर्फ आउदैं गरेको मधेश प्रदेश ०३ -००२ ख १८६८ नम्बरको ट्रक दुर्घटना भएको हो । घाईते हुनेमा दोलखा मेलुङ गाउँपालिकाका ४५ वर्षिय रमेश श्रेष्ठ रहेको जिल्ला प्रहरी कार्यालय धादिङका प्रहरी नायव उपरिक्षक सुवास हमालले बताउनुभयो । प्रहरी उपरिक्षक हमालका अनुसार ट्रक सडक भन्दा ३० मिटर तल खसेको छ । श्रेष्ठको महादेववेशीमा रहेको टाईम्स केयर अस्पतालमा उपचार भइरहेको छ ।

प्रहरीले सुन जस्तो देखिने धातु सहित एक जनालाई नियन्त्रणमा लिएको छ। चन्द्रागिरी नगरपालिका-२ नागढुङ्गाबाट सुन जस्तो देखिने धातु ३ सय ५४ ग्राम सहित भारत उत्तर प्रदेश गोण्डा बस्ने ३० वर्षीय राकेश कुमारलाई आइतबार बिहान प्रहरीले पक्राउ गरेको छ। प्रहरी प्रभाग नागढुङ्गा समेतबाट खटिएको प्रहरीले बेलहियाबाट काठमाडौंतर्फ आउँदै गरेको लु २ ख ४४१५ नम्बरको बसमा सवार उनलाई उक्त धातु सहित पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ।

धादिङ -धादिङको न्यु किबो बोर्डिङ स्कुलद्धारा अभिभावक परामर्श तथा प्रशिक्षण कार्यक्रम सम्पन्न गरिएको छ । शनिबार विद्यालयको वार्षिक अभिभावक दिवसको अवसरमा धादिङबेसीमा एक कार्यक्रमको आयोजना गरि विद्यालयमा अध्ययनरत विद्यार्थी बालबालिकाहरुको अभिभावकहरुको लागि अभिभावक परामर्श तथा प्रशिक्षण कार्यक्रम गरेको हो । विद्यालयले चर्चित मोटिभेशनल स्पिकर वि. के. शर्माद्धारा अभिभावकहरु कसरी जिम्मेवारी बन्ने भन्ने विषयमा केन्द्रित रहेर प्रशिक्षण गराएको थियो । अभिभावकहरुले आफ्नो बालबालिकाहरुलाई दण्ड सजाय र आफ्नो रुष्ट बोली व्यवहारबाट नभई उनिहरुलाई मायाले सम्झाएर उनिहरुको खराब प्रवृत्तिलाई हटाउनुपर्ने शर्माले बताउनुभयो । उहाँले विद्यार्थीहरुले पढाईमा ध्यान लगाएन भन्दै विद्यालय फेर्ने गल्ती नगर्न…