Day: April 12, 2025

धादिङ चैत्र ३० नेपाल रेडक्रस सोसाइटी जिल्ला शाखा धादिङको ३८ औं वार्षिक साधारण सभा सम्पन्न भएको छ । शानिबार नेपाल रेडक्रस सोसाइटी जिल्ला शाखा धादिङका सभापति दुर्लभ कुमार तामाङको अध्यक्षतामा सम्पन्न कार्यक्रममा बागमती प्रदेश संसद गोविन्द लम्सालको प्रमुख आतिथ्यता रहेको थियो । त्यस्तै नीलकण्ठ नगरपालिका उपप्रमुख दिपक विश्वकर्मा, नेकपा माओवादी केन्द्रका केन्द्रिय सदस्य राम बहादुर भण्डारी, जिल्ला प्रशासन कार्यालय धादिङका प्रमुख जिल्ला अधिकारी सुमन घिमिरे लगायत विभिन्न संघ संस्था र राजनितिक दलका प्रमुख तथा प्रतिनिधीहरुको विशिष्ट आतिथ्यता रहेको थियो । कार्यक्रमको सम्बोधन गर्नुहुदै प्रमुख अतिथि लम्सालले समाजमा हुन सक्ने आपतकालिन…

भारतको पूर्वी राज्य बिहारका विभिन्न जिल्लाहरूमा असिना पानीका कारण २५ जनाको मृत्यु भएको छ ।  भारतीय सञ्चार माध्यमका अनुसार बिहारका मुख्यमन्त्री नितिश कुमारले मृतकको परिवारलाई ४ लाख भारतीय रुपैयाँ आर्थिक राहत दिने घोषणा गर्नु भएको छ ।   भारतीय मौसम विभागले बिहारका १३ जिल्लामा मौसमसम्बन्धी जोखिमको चेतावनी जारी गर्दै आगामी दुई दिनसम्म सजग रहन स्थानीयहरूलाई निर्देशन जारी गरेको छ । विगत दुई दिनदेखि बिहारमा पानीजन्य प्रकोपका कारण मृतकको सङ्ख्या बढिरहेको समाचारमा उल्लेख छ । 

धादिङ, चैत्र-३० तनहुँको बन्दीपुरमा चितुवाको आक्रमणमा परेर एक बालिकाको मृत्यु भएको छ । बन्दीपुर गाउँपालिका–२ कामी डाँडामा शुक्रवार साँझ चितुवाले आक्रमण गर्दा १० बर्सिया बालिका अनुजा विकको मृत्यु भएको हो ।इसुप र अमृता विकको छोरी अनुजालाई साँझ ६ बजेको आसपासमा चितुवाले आक्रमण गरेको थियो । अनुजाको शव झन्डै एक किलोमिटर पर फेला परेको स्थानीय सुदिन पौडेलले जानकारी दिनुभयो । उहाँका अनुसार मृत बालिकाको दाहिने खुट्टा खाएको अवस्थामा फेला परेको हो ।

धादिङ चैत्र ३०देशका विभिन्न ठाउँमा अहिले वर्षा भईरहेको छ । दाङ, अछाम, दैलेख, कालीकोटलगायतका ठाउँमा पानी परेको मौसम पूर्वानुमान महाशाखाले जनाएको छ । महाशाखाका अनुसार आज सुदूरपश्चिम प्रदेश, कर्णाली प्रदेश र लुम्बिनी प्रदेशलगायत देशको पहाडी भू–भागका थोरै ठाउँहरुमा तथा बाँकी भू–भागका एक–दुई ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ । देशको उच्च पहाडी तथा हिमाली भूभागका थोरै ठाउँहरुमा हिमपातको समेत सम्भावना रहेको छ । यसबाट देशव्यापी रहीरहेको तुँवालो क्रमिक रुपमा कम हुने महाशाखाले जनाएको छ ।