Day: March 28, 2025

धादिङ,चैत्र-१५ तीनकुनेको भवनमा लागेको आगोमा जलेर एक जना पत्रकारको मृत्यु भएको छ । उक्तभवनको छतमा चढेर टेलिभिजनका लागि दृष्य खिचिरहनुभएका सुरेश रजकको मृत्यु भएको हो । तीनकुनेमा भएको प्रदर्शनमा प्रहरीसँग झडप भएपछि एक भवनमा आगजनी भएको थियो । सो घटनालगत्तै रजक सम्पर्कविहीन हुनुहुन्थ्यो । एभिन्युज टेलिभिजनका सम्पादक शिव दाहालले भन्नुभयो, ‘रिपोर्टिङमा गएको साथी सम्पर्कविहीन हुनुहुन्छ । अस्पतालतिर पनि भएको जानकारी छैन ।’ एभिन्युज टेलिभिजनका अर्का एक पत्रकारले सो घरभित्र आफ्नो साथी भएको जानकारी प्रहरीलाई दिँदादिँदै पनि उद्धार नभएको बताउनुभयो । अहिले घटनास्थलमा एभिन्युज टेलिभिजनका अध्यक्ष भाष्करराज राजकर्णिकार पुग्नुभएको छ ।

१५ चैत्र, धादिङकाठमांडौको तीनकुनेमा भएको राजावादीको प्रदर्शनका क्रममा प्रहरीको गोली लागी घाईते भएका एकको उपचारको क्रममा मृत्यु भएको छ ।घाईते अवस्थामा त्रिवि शिक्षण अस्पतालमा लगिएका प्रदर्शनकारीको अस्पताल पुर्याउँदा नै मृत्यु भइसकेको अस्पताल निर्देशक प्रा.डा. सुवास आचार्यले बताउनुभयो । प्रहरीको समन्व्यमा मृतकको शव पोस्टमार्टमको लागि फरेन्सिक विभागमा पठाईएको आचार्यले बताउनुभयो । हालसम्म मृतकको विस्तृत परिचय भने खुलिसकेको छैन । आन्दोलनमा प्रहरीले सुरुमा अश्रुग्याँस प्रहार गरेतापनि प्रदर्शनकारीहरुले प्रहरीको बन्दुक नै खोसेको र ढुङ्गामूढा सहित आक्रमण गरेकाले रबरको गोली र हवाई फायर समेत भएको थियो । प्रदर्शनकारीले कोटेश्वरस्थित जडीबुटी उत्पादन तथा प्रशोधन कम्पनी…