धादिङ, २२–असार,
नेपाल सुनचाँदी कला व्यवसायी सङ्घ, जिल्ला शाखा धादिङको आयोजनामा आज जिल्ला प्रशासन कार्यालय, धादिङ अगाडि विरोध प्रदर्शन तथा धर्ना कार्यक्रम सम्पन्न गरिएको छ ।
सरकारद्वारा आर्थिक वर्ष २०८२ ÷ ८३ को नीति तथा कार्यक्रम बजेटमा सुनचाँदी व्यवसायमा २% बिलासी कर र मूल्य अभिवृद्धि कर (भ्याट) १३% लगाइएको विरोधमा व्यवसायीहरूले प्लेकार्डसहित प्रदर्शन र जिल्ला प्रशासन कार्यालय अगाडि धर्ना गरेका हुन् । उनीहरूले “हाम्रो धर्ना जारी छ”, “हाम्रो माग पुरा गर”, “सुनमा बिलासी कर हटाऊ” “सुनमा भन्सार कर ६ प्रतिशत कायम गर”, जस्ता नारा लगाएका थिए ।
नेपाल सुनचाँदी कला व्यवसायी सङ्घका केन्द्रीय वित्तीय उपाध्यक्षले सिताराम बराइली ले व्यवसायी तथा आम उपभोक्तालाई समस्यामा पर्ने गरी कर को दर बढाइनु न्यायोचित नहुने बताए , साथै उनले व्यावसायिलाई प्रोत्साहन गर्नुपर्ने । युवाको विदेश पलायनलाई रोक्नुमा सरकारले ध्यान दिनुपर्ने समेत स्पट पारे । साथै सँघका केन्द्रीय कोषाध्यक्ष सुदिप रसाइलीले यो सबै बिदेसी व्यावसायि प्रभावमा भएको संका ब्यक्त गरे । साथै विरोधका कार्यक्रम चरणबद्ध रूपमा अघि बढ्ने र माग पुरा नहुँदा सम्म नरोकिने समेत बताए ।
यसअघि नै जिल्ला प्रशासन कार्यालयलाई ज्ञापन पत्र समेत बुझाइ सकिएको सङ्घले जानकारी दिएको छ ।
