धादिङ
जिल्ला सदरमुकाम धादिङबेशीमा दुर्गम क्षेत्रमा कार्यरत पत्रकारहरुको क्षमता अभिवृद्धि तालिम तथा अनलाइन सञ्चार माध्यम दर्ता सम्बन्धी घुम्ती शिविर सम्पन्न भएको छ ।
गत शनिबार देखि सुरु भएको तीन दिने तालिम आज एक कार्यक्रमको आयोजना गरी सम्पन्न गरिएको हो ।
सूचना तथा प्रसारण विभागको आयोजना र नेपाल पत्रकार महासंघ धादिङको सहकार्यमा आयोजित कार्यक्रममा प्रेस प्रतिनिधी प्रमाणपत्र वितरण तथा अनलाइन सञ्चार माध्यम दर्ता सम्बन्धी घुम्ती शिविर सञ्चालन भएको थियो ।
उक्त शिविरमा दुई अनलाईन दर्ता, दुई अनलाईन नवीकरण तथा १८ जनाको प्रेस प्रतिनिधि प्रमाणपत्र वितरण गरिएको थियो । तालिममा मोबाईल जर्नालिजम(मोजो), समाचारको आधारभूत ज्ञान, अन्तरर्वार्ता लगायतका बिषयमा डाक्टर विजयप्रसाद मिश्र र रामशुभक महतोले सहजीकरण गर्नुभएको थियो ।
उक्त तीन दिने तालिममा ४५ जना पत्रकारहरुको सहभागीता रहेको थियो ।
