धादिङ, वैशाख–६, राष्ट्रिय स्वतन्त्र पार्टी (रास्वपा) का सभापति तथा पूर्वगृहमन्त्री रवि लामिछानेका तर्फबाट दायर भएको बन्दीप्रत्यक्षीकरणको रिटको सुनुवाइ सुरु भएको छ । सर्वोच्च अदालतका न्यायाधीशद्वय नहकुल सुवेदी र बालकृष्ण ढकालको इजलासमा सुनुवाइ सुरु भएको हो । सहकारी ठगी प्रकरणमा कारागार कार्यालय भैरहवा रुपन्देहीमा पुर्पक्षका लागि थुनामा रहेका लामिछानेका तर्फबाट दायर भएको मुद्दामा यसअघि पनि पटक पटक पेशी तोकिए पनि सुनुवाइ हुन सकेको थिए ।
धादिङ बैशाख-५धादिङ को नीलकण्ठ नगरपालिका वडा नम्बर ८ ससाहमा बालिकालाई ठक्कर दिई फरार भएका मोटरसाईकल चालक बालाजुबाट पक्राउ परेका छन् । पक्राउ पर्नेमा धादिङको सिद्धलेक गाउँपालिका वडा नम्बर २ नलाङका खेमलाल श्रेष्ठ रहेका छन् । फरार भएका श्रेष्ठलाई काठमाण्डौंको बालाजुबाट बा ७७ प ३३९१ नम्बरको मोटरसाईकल सहित पक्राउ गरिएको जिल्ला प्रहरी कार्यालय धादिङका प्रहरी नायव उपरिक्षक सुवास हमालले जानकारी दिनुभयो । सोमबार बिहान घरबाट स्कुल जाँदै गरेकी ससाह ज्यामिरे निवासी सात वर्षिय दिपिका वि.क मोटरसाईकलको ठक्करबाट सडकमा लडिरहेको अवस्थामा स्थानियले फेला पारेका थिए । घाइते बालिकालाई धादिङ अस्पतालमा प्राथमिक उपचारपछि…
धादिङ वैशाख ३१ शिक्षा, विज्ञान तथा प्रविधि मन्त्रालयले केही दिनअघि भएको शिक्षक आन्दोलनका कारण सामुदायिक विद्यालयमा प्रभावित भर्ना तथा पठनपाठन कार्यक्रमलाई सन्तुलनमा ल्याउन शिक्षकहरूलाई आग्रह गरेको छ । नेपाल शिक्षक महासङ्घको आह्वानमा अघिल्लो वर्षको चैत महिनामा काठमाण्डौ केन्द्रित पेशागत आन्दोलन सञ्चालन भएको थियो । आन्दोलनका कारण विद्यार्थीको सिकाइमा परेको असरलाई पूर्ति गर्न विद्यालयको आवश्यकतानुसार हिउँदे वा वर्षे बिदाको अवधिमा पठनपाठन सञ्चालन गर्न मन्त्रालयले अनुरोध गरेको हो । मन्त्रालयका प्रवक्ता एवम् सहसचिव शिवकुमार सापकोटाले जारी गर्नुभएको विज्ञप्तिमा आन्दोलनमा शिक्षक र विद्यालय कर्मचारीको सहभागिता भएका कारण देखिएको विद्यालयको प्रशासनिक चुनौती समाधान गर्न…
धादिङ बैशाख-२८धादिङको खनियाबास गाउँपालिकामा नवनिर्मित गाउँपालिका भवनको उद्घाटन गरिएको छ । जिल्ला समन्वय समिति धादिङको ६० र गाउँपालिकाको ४० प्रतिशत लगानीमा निर्माण सम्पन्न भएको भवनको शनिबार एक भव्य समारोहका बीच भौतिक पूर्वाधार तथा यातायात मन्त्री प्रकाशमान सिंहले उद्घघाटन गर्नु भएको हो । कार्यक्रमका प्रमुख अतिथि मन्त्री सिंहले ग्रामीण तहमा पूर्वाधार विकासमार्फत जनतासँगको सेवा पहुँच सहज बनाउने अभियान अन्तर्गत यो भवन एक महत्वपूर्ण उपलब्धि भएको बताउनु भयो । भवनमा प्रशासनिक कार्य सञ्चालनका लागि कार्यालय कक्ष, सभाकक्ष, सूचना कक्ष, र नागरिक सेवाका अन्य आवश्यक सुविधाहरू समेटिएको गाउँपालिका अध्यक्ष रणबहादुर तामाङले जानकारी दिनुभयो…
धादिङ २६ बैशाख न्यु धादिङ बोर्डिङ स्कुलमा बुक फ्रि फ्राईडे सम्पन्न भएको छ । शुक्रबार बुद्ध जयन्तिको अवसरमा बुद्ध जयन्ती सम्बन्धी विभिन्न कार्यक्रम गरेर बुक फ्रि फ्राईडे मनाईएको हो । कक्षा १ देखि ८ सम्मका विद्यार्थीहरुको सहभागितामा बुद्ध सम्बन्धी कथा वाचन एवम् जिवनी चरित्र चित्रण, गायन, चित्रकला र लेखन जस्ता कार्यक्रम गरिएको थियो । यस्ता कार्यक्रमहरुबाट विद्यार्थी बालबालिकाहरुले असल व्यवहार, धार्मिक मूल्य मान्यता एवम् परम्परा सिक्ने अवसर प्राप्त गरेको कार्यक्रम संयोजक बन्दना घलेले बताउनुभयो ।
नेकपा (माओवादी केन्द्र) ले टिआरसीसम्बन्धी प्रक्रिया सकारात्मक ढंगले अघि बढिरहेको पाएको बताएको छ। सिंहदरबारमा प्रधानमन्त्री केपी ओलीसँगको भेटपछि बाहिरिने क्रममा पत्रकारहरूसँग कुरा गर्दै माओवादी उपमहासचिव वर्षमान पुनले यस्तो प्रतिक्रिया दिनुभएको हो । छलफलमा प्रचण्ड र ओलीसँगै पुन र प्रधानमन्त्रीका सल्लाहकार अग्नि खरेल सहभागी हुनुहुन्थ्यो । ‘यो प्रक्रिया सकारात्मक रूपले अघि बढिरहेको हामीले पायौँ। खासगरी यो कहाँ पुग्यो, के भइराखेको छ भन्ने विषयमा प्रधानमन्त्रीले प्रमुख प्रतिपक्षी दलका नेतालाई जानकारी गराउनुभयो,’ पुनले भन्नुभयो ।
धादिङ बैशाख २१ आज सुनको भाउ तोलामा छ सय रुपैयाँले बढेर एक लाख ८४ हजार एक सय रुपैयाँ पुगेको छ । शुक्रवार सुन तोलाको एक लाख ८३ हजार पाँच सय रुपैयाँ रहेको थियो । केही दिनयता सुनको भाउमा घटबढ हुँदै आएको छ । यस्तै चाँदीको भाउ भने आज तोलामा २० रुपैयाँले घटेर एक हजार नौ सय १० रुपैयाँमा कारोबार भइरहेको सुनचाँदी व्यवसायी महासङ्घले जनाएको छ ।
रास्वपा खोटेहाङका सभापति प्रदीप आचार्यसहितका नेताहरु बिहीबार माओवादी केन्द्रमा प्रवेश गरेका छन् । माओवादी खोटेहाङका अध्यक्ष दीपेन थुलुङका अनुसार खोटेहाङ गाउँपालिका–४ बडकादियालेमा एमालेबाट निर्वाचित वडा सदस्य किरण राईलगायत ३० जना पनि माओवादीमा समाहित भएका छन् । प्रदीप आचार्य पनि एमालेबाटै खोटेहाङ गाउँपालिका–४ वडकादियालेका वडा सदस्यमा निर्वाचित भएका थिए । केही महिनाअघि मात्र रास्वपा सभापति भएका थिए । त्यस्तै एमाले खोटेहाङ सचिवालय सदस्य प्रकाश कटुवाल, रास्वपा बडकादियाले सभापति रमेश सुवेदी, एमाले वडा उपाध्यक्ष डम्बरबहादुर कार्की लगायत माओवादीमा समाहित भएको थुलुङले बताउनु भएको छ । कार्यक्रममा माओवादी केन्द्रीय सदस्य तथा जिल्ला इन्चार्ज…
धादिङ १९ बैशाख धादिङ नीलकण्ठ नगरपालिका वडा नम्बर ६ मा आमा समूहको भवन उद्घाटन गरिएको छ । शुक्रबार वडाको मौरी डाँडामा रहेको सुनौला भैरवी आमा समूहको भवन उद्घाटन गर्नुका साथै पोसाक, परिचयपत्र वितरण र ज्येष्ठ नागरिक तथा अपाङ्गता भएकाहरूलाई सम्मान गरिएको हो । उक्त आमा समूहको अध्यक्ष तारा बसेल नेपालीको अध्यक्षतामा सम्पन्न भएको उद्घाटन समारोहमा नीलकण्ठ नगरपालिकाको उप प्रमुख दिपक विश्वकर्माको प्रमुख आतिथ्यता रहेको थियो भने वडा नम्बर ६ का वडा अध्यक्ष भूपेन्द्र कुमार श्रेष्ठ, कार्यपालिका सदस्य एवम् आर्थिक समिति संयोजक लक्ष्मण रम्तेल र समाजसेवी भेषराज ठकुरी लगायतको उपस्थिति रहेको…
धादिङ, वैशाख–१९ भारतको उडिसामा रहेको कलिङ्गा इन्स्टिच्युट अफ इन्डस्ट्रियल ट्रेक्नोलोजी (केआईआईटी) मा अर्की एक नेपाली विद्यार्थी मृत फेला परेकी छिन् । विश्वविद्यालयको छात्रावासमा नेपाली विद्यार्थी प्रिशा साह मृत फेला परेको भारतीय सञ्चारमाध्यमहरुले जनाएका छन् । भारतीय सञ्चारमाध्यमहरुका अनुसार प्रिशाको शव छात्रावासको कोठामा झुन्डिएको अवस्थामा फेला परेको हो । भारतको सबैभन्दा ठूलो विद्यार्थी सङ्गठन अखिल भारतीय विद्या परिषद् (एबीभीपी)ले केआईआईटीमा नेपाली विद्यार्थी मृत भेटिएको घटनालाई अत्यन्त पीडादायी भनेको छ । एबीभीपीले विज्ञप्ति निकारले केआईआईटी मा पुनः एकपटक नेपाली विद्यार्थीले आत्महत्या गर्न बाध्य हुनु घिनलाग्दो र लज्जास्पद भएको जनाएको छ । यसअघि…