Year: 2025

धादिङ चैत्र २२ उच्च अदालतको आदेशसँगै रवि लामिछानेलाई प्रहरीले नियन्त्रणमा लिएको छ । शुक्रबार बेलुका बुढानिलकण्ठस्थित घरमै पुगेर प्रहरी टोलीले उहाँलाई नियन्त्रणमा लिएको हो । लामिछानेले फेसबुकमार्फत अदालतको आदेशको सम्मान गर्दै गिरफ्तारी दिने भन्नुभएको थियो । उहाँलाई जिल्ला अदालत, रुपन्देहीमा उपस्थित गराई कारागार चलान गर्ने प्रहरी तयारी छ। उच्च अदालत तुलसीपुरको बुटवल इजलासले लामिछानेलाई थुनामा पठाउने आदेश दिएको हो। बुटवलको सुप्रिम सहकारीको मुद्दामा यसअघि जिल्ला अदालतले उहाँसँग एक करोड रुपैयाँ धरौटी माग गरेको थियो। सो आदेश उल्टाउँदै उच्च अदालतले उहाँलाई थुनामा पठाउने आदेश गरेको हो।

धादिङ चैत्र २२ एकैदिन जाजरकोटमा दुई पटक भूकम्पको धक्का महसुस गरिएको छ। राष्ट्रिय भूकम्प मापन केन्द्रका अनुसार शुकबार बेलुकी दुईपटक भूकम्प गएको हो। ८ बजेर ७ मिनेटमा ५.२ र ८ बजेर १० मिनेटमा ५.५ म्याग्नेच्युडको भूकम्प गएको हो।

धादिङ , चैत्र २२ धादिङ अस्पतालमा निःशुल्क स्वास्थ्य परिक्षण शिविर हुने भएको छ । भोली शनिबार बागमती प्रदेश सरकार स्वास्थ्य मन्त्रालय स्वास्थ्य निर्देशनालय र धादिङ अस्पतालको आयोजनामा निःशुल्क स्वास्थ्य परिक्षण शिविर हुने भएको हो । उक्त शिविरमा त्रि.वि. शिक्षण अस्पताल, महाराजगंज र वीर अस्पतालमा कार्यरत बरिष्ठ पेट, आन्द्रा र कलेजोको विशेषज्ञ सर्जन, वरिष्ठ बाल रोग विशेषज्ञ सर्जन र वरिष्ठ मस्तिक तथा मेरुदण्ड विशेषज्ञ सर्जन द्वारा निःशुल्क स्वास्थ्य परिक्षण हुने भएकाले सबैमा सेवा लिन आग्रह गरिएको छ । शिविर बिहान १० बजे देखि धादिङ अस्पताल प्राङ्गणमा सुरु हुने छ ।

धादिङ, चैत्र २२खेतमा आउने जंगली बँदेल मार्न थापेको विद्युतिय धरापमा परेर रौतहटमा एक महिलाको ज्यान गएको छ । रौतहटको वृन्दावन नगरपालिका १ बलेरी खोरमा महिलाको विद्युतिय धरापमा पर्दा ज्यान गएको हो । स्थानिय सुशील विश्वकर्माको मकै खेतमा जंगली बँदेल मार्नका लागी नाँगो तार तानेर करेन्ट प्रवाह गरी छोडेको अवस्थामा सोही खेतको बाटो हुदै आउने क्रममा ४५ वर्षिया फुलमतिया देवीको करेन्ट लागेर मृत्यु भएको थियो । बँदेल मार्न थापेको धरापमा महिला मृत अवश्थामा भेटेपछि सुशिल विश्वकर्मा र जितेन्द्र पटेलले महिलाको शवलाई घटनास्थलबाट ४ किलोमिटर उतर तर्फको रामलाल साझेदारी वनमा खाल्डो खनेर…

धादिङ, चैत्र २१धादिङ जिल्लाको गल्छी गाउँपालिका वडा नम्बर १ औपचारिक रूपमा पहिलो बालमैत्री स्थानीय शासनयुक्त वडा घोषणा गरिएको छ। बुधबार विशेष समारोहको आयोजना गर्दै वडालाई बालमैत्री घोषणा गरिएको हो। बालमैत्री वडाको उद्घाटन समारोहमा जिल्ला समन्वय समिति प्रमुख नवराज अधिकारीले वडाको उपलब्धिलाई गौरवपूर्ण क्षण भन्दै अन्य वडाहरू र पालिकाहरूका लागि प्रेरणादायी उदाहरण भएको बताउनुभयो। उहाँले बालमैत्री वडा बन्नु समग्र विकासको सूचक भएको उल्लेख गर्नुभएको छ । यस्तै गाउँपालिका अध्यक्ष केदारनाथ खतिवडाले बालबालिकाको उज्ज्वल भविष्यका लागि गाउँपालिकाले दीर्घकालीन रणनीति तयार गरी बालमैत्री वडाहरू निर्माण गर्दै आएको जानकारी दिनुभएको छ। उहाँका अनुसार पालिकाले…