धादिङ लोक सांस्कृतिक महोत्सव २०८१ आज समापन भएको छ।
कार्यक्रमको क्रममा नीलकण्ठ नगरपालिका तथा नगरपालिका सङ्घका अध्यक्ष तथा कार्यक्रमका प्रमुख अतिथि भीमप्रसाद ढुङ्गानाले कार्यक्रमको समापन भएको घोषणा गर्नुभएको हो।
माघको १० गतेबाट सुरु भएको लोक तथा सांस्कृतिक महोत्सव २० गतेसम्म सञ्चालन हुने भनिए तापनि दुई दिन थप गर्दै २२ गतेसम्म चलेको थियो।
कार्यक्रममा विभिन्न लोक तथा दोहोरी गायक गायिका तथा नेपाली संगीत क्षेत्रका विभिन्न कलाकारहरूको बेजोड प्रस्तुतिका सँगै अन्तरपालिका स्तरीय लोक दोहोरी प्रतियोगिता समेत सम्पन्न भएको थियो।
कार्यक्रमको समापन समारोहमा बोल्नुहुँदै अतिथि ढुंगानाले यी र यस्तै कार्यक्रमहरूले जनताहरूमा थप ऊर्जा र मनोरञ्जनको क्रियाकलापहरु थप गर्दै अझ उचाइमा पुर्याउनको लागि आफू प्रतिबद्ध रहेको बताउनुभयो।
समापन समारोहमा राष्ट्रिय कलाकार शिव परियार र राष्ट्रिय लोक तथा दोहोरी गीत प्रतिष्ठानका अध्यक्ष रिता थापा मगर को उपस्थिति रहेको थियो ।
